Saturday, September 30, 2000

Ghazal 23: 'ishq kaa sard hai baazaar, Khudaa Khair kare




R'ishq kaa sard hai baazaar, Khudaa Khair kare
hai yahaaN qaht-e-Khareedaar, Khudaa Khair kare

zindagi ho gayee dushvaar, Khudaa Khair kare
kyaa kare ab dil-e-naadaar? Khudaa Khair kare

paas-e-ulfat hai kaheeN aur na kaheeN paas-e-vafaa!
ho gaye dost bhi aGhyaar, Khudaa Khair kare

chand lamhoN ki masarrat ke liye duniyaa meiN
log marne ko haiN taiyaar?! Khudaa Khair kare

jab bhi bigRi hui qismat pe nazar paRti hai
lab pe aa jaata hai har baar - "Khudaa Khair kare!"

kis tarah qalb-e-pareshaaN ko sukooN haasil ho?
nazar aate naheeN aasaar, Khudaa Khair kare!

halqa`e-Gham meiN kabhi, daam-e-museebat meiN kabhi
dil to paiham hai giraftaar, Khudaa Khair kare

quvvat-e-deed to har shaKhs meiN be.shak hai, magar
kaun hai taalib-e-deedaar? Khudaa Khair kare!

tishnagi baRhti hai aisee k. yeh bujhti hi naheeN,
koi to gaaiye "Malhaar" -- Khudaa Khair kare (1)

jaan dene meiN mujhe 'uzr naheeN hai, lekin
voh agar is se ho bezaar? Khudaa Khair kare!

kyaa kahaa aapne? 'naadaaN' bhi yahaaN mehfil meiN
le ke aayaa hai phir ash'aar? Khudaa Khair kare!

(SEPTEMBER 30, 2000 - ARLINGTON, TX - USA)


(1) "Malhaar" refers to a group of melodic scales in Indian
Classical Music which is associated with the anticipation of
the rains and the rainy season.oman here

Coming soon

Coming soon